COVID-19 ကူးစက်ပြန့်ပွားမှု ကာကွယ်ထိန်းချုပ်ကုသရေးလုပ်ငန်းစဉ်များကို ကူညီထောက်ပံ့ရန် မန္တလေးတိုင်းဒေသကြီးအစိုးရအဖွဲ့သို့ အေးရှားဝေါလ်ဖောင်ဒေးရှင်းမှ ငွေကျပ်သိန်းတစ်ထောင်လှူဒါန်း

ရန်ကုန်၊ မြန်မာ - ဇွန်လ ၂၅ ရက်၊ ၂၀၂၀ ခုနှစ် -  အေးရှားဝေါလ်ကုမ္ပဏီ (“AWC”) မှ ဖွဲ့စည်းတည်ထောင်ထားသော  ပြည်သူ့ အကျိုးပြုပရဟိတအဖွဲ့အစည်းဖြစ်သည့်  အေးရှားဝေါလ်ဖောင်ဒေးရှင်း (“AWF”) မှ မန္တလေးတိုင်းဒေသကြီး၏ ကူးစက်မြန်ကပ်ရောဂါ COVID-19 ကူးစက်ပြန့်ပွားမှု ကာကွယ်ထိန်းချုပ်ကုသရေးလုပ်ငန်းစဉ်များကို ကူညီထောက်ပံ့ရန် ငွေကျပ် သိန်းတစ်ထောင်ကို တိုင်းဒေသ ကြီးအစိုးရအဖွဲ့ရုံးချုပ်သို့ သွားရောက်ပေးအပ်လှူဒါန်းခဲ့ရာ အဆိုပါ လှူဒါန်းပေးအပ်ငွေကို မန္တလေးတိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်မှ လက်ခံရယူခဲ့ပါသည်။ အေးရှားဝေါလ် ဖောင်ဒေးရှင်းသည် လတ်တလော ကျရောက်နေသော ကပ်ရောဂါကြောင့် တစ်ကမ္ဘာလုံး နှင့် နိုင်ငံတွင်း သက်ရောက်မှုများကို သိရှိပြီး AWF ၏ မျှော်မှန်းချက် နှင့် တန်ဖိုးထားသော မူ၀ါဒများအတိုင်း နိုင်ငံတော်၏ လိုအပ်ချက်များကို အမြဲတစေ ဖြည့်ဆည်းပေးသွားမည်ဖြစ်ပါသည်။ 

Download Myanmar Press Release here.