အဓိက စီမံကိန်းများ

နေပြည်တော် အပြည်ပြည်ဆိုင်ရာ လေဆိပ်

၂၀၁၁ ခုနှစ်တွင် တည်ဆောက်ပြီးစီးခဲ့သည့် နေပြည်တော် အပြည်ပြည်ဆိုင်ရာ လေဆိပ်သည် အေးရှားဝေါလ်၏ ကုမ္ပဏီခွဲ တစ်ခုဖြစ်သည့် Pioneer Aerodrome Services Company Limited (“PAS”) မှ တာဝန်ယူတည် ဆောက်ခဲ့ခြင်းဖြစ်ပြီး အကြီးစား စီမံကိန်းများကို ကျွမ်းကျင်စွာ စီမံခန့်ခွဲနိုင်သည့် အေးရှားဝေါလ်၏ စွမ်းဆောင်ရည်နှင့် အတွေ့အကြုံ ရင့်သန်မှုကို ထင်ဟပ်ပြသ နေပါသည်။ Pioneer Aerodrome Services Company Limited သည် မြန်မာနိုင်ငံ၏ မြို့တော်ဖြစ်သည့် နေပြည်တော်တွင် တည်ရှိသည့် အပြည်ပြည်ဆိုင်ရာ လေဆိပ်ကို စီမံခန့်ခွဲဝန်ဆောင်မှု ပေးနေခြင်းဖြစ်ပါသည်။ မြန်မာနိုင်ငံ၏ မြို့တော်ဖြစ်သည့် နေပြည်တော်အား နိုင်ငံတစ်ဝှမ်းနှင့် ကမ္ဘာတစ်ဝှမ်းချိတ် ဆက်ပေးနေပြီး တစ်နှစ်လျှင် ခရီးသည်သန်းပေါင်း ၃.၅ သန်းအထိ ဝန်ဆောင်မှု ပေးနိုင်ရေး မျှော်မှန်း တည်ဆောက်ထားသော နေပြည်တော် အပြည်ပြည်ဆိုင်ရာလေဆိပ်သည် နိုင်ငံတကာအဆင့်မီ ဝန်ဆောင်မှုများ ပေးစွမ်းနေနိုင် ပြီဖြစ်ပါ သည်။ လွန်ခဲ့သည့် နှစ်အနည်းငယ် အတွင်းတွင် ထိုအပြည်ပြည်ဆိုင်ရာလေ ဆိပ်မှတစ်ဆင့် နိုင်ငံတကာမှ ထိပ်သီးပုဂ္ဂိုလ်များ တက်ရောက်ကြသော ကမ္ဘာ လုံးဆိုင်ရာ အခမ်းအနား များကိုလည်း နေပြည်တော်တွင် အောင်မြင်စွာ လက်ခံ ကျင်းပနိုင်ခဲ့ပါသည်။ အဆိုပါ အခမ်းအနားများတွင်၂၀၁၃ခုနှစ်၊ ဒီဇင်ဘာလတွင် ကျင်းပခဲ့သည့် ၂၇ကြိမ်မြောက် SEA Games၊ အမေရိကန်သမ္မတ အိုဘားမားနှင့် အခြားထိပ်သီး ပုဂ္ဂိုလ်များ တက်ရောက်ခဲ့ကြသော ၂၀၁၄ ခုနှစ်၊ နိုဝင်ဘာလတွင် ကျင်းပခဲ့သည့် ၂၅ ကြိမ်မြောက် အာဆီယံထိပ်သီး အစည်းအဝေး စသည်တို့ ပါဝင်ခဲ့ပါသည်။

ရန်ကုန် အပြည်ပြည်ဆိုင်ရာ လေဆိပ်

၂၀၀၃ ခုနှစ်တွင် ရန်ကုန် အပြည်ပြည်ဆိုင်ရာ လေဆိပ်ဟောင်းကို ပြန်လည် တည်ဆောက်ရန် စာချုပ်ချုပ်ဆိုခဲ့ပြီး၂၀၁၀ နောက်ပိုင်းတွင် ရန်ကုန်အပြည်ပြည်ဆိုင်ရာ လေဆိပ်အား ရေရှည် ဝန်ဆောင်မှုပေးရေးနှင့် ပြန်လည်ပြုပြင်ရေး သဘောတူစာချုပ်ကို PAS ၏လုပ်ဆောင်နိုင်စွမ်းဖြင့် ချုပ်ဆိုနိုင်ခဲ့သည်။ ရန်ကုန်အပြည်ပြည်ဆိုင်ရာ လေဆိပ်သည် နိုင်ငံ၏ အဓိက ဝင်ပေါက် ထွက်ပေါက် တစ်ခုဖြစ်ပြီး ရန်ကုန်မြို့၏ မြောက်ဖက် ၁၅ ကီလိုမီတာ အကွာတွင် တည်ရှိပါသည်။ ၂၀၁၇ ခုနှစ်တွင် လေဆိပ်၌ ခရီးသည် ၅.၉၂ သန်းကို ဝန်ဆောင်မှု ပေးနိုင်ခဲ့ပြီး မြန်မာနိုင်ငံ အတွင်း တိုးတက်မှု မြန်ဆန်သော ခရီးသွားလုပ်ငန်း ဖြစ်ပေါ်လာသည် သာမက ဆက်လက်၍ တိုးတက်လာရန် မျှော်မှန်းထားပါသည်။

၂၀၁၃ ခုနှစ်တွင် PAS ကုမ္ပဏီ အနေဖြင့် မြန်မာနိုင်ငံ၏ မျှော်မှန်းထားသော လေကြောင်း ခရီးစဉ် တိုးမြှင့် ပြေးဆွဲနိုင်ရေး နှင့် နိုင်ငံ၏ စီးပွားရေး ဖွံ့ဖြိုး တိုးတက်မှုတွင် အလွန်အရေးပါသည့် ရန်ကုန်အပြည်ပြည်ဆိုင်ရာ လေဆိပ် ဖွံ့ဖြိုးရေး စီမံကိန်း တင်ဒါခေါ်ယူမှုတွင် အောင်မြင်စွာ အနိုင်ရခဲ့ပါသည်။ ၂၀၁၆ ခုနှစ်၊ မတ်လတွင် ရန်ကုန်အပြည်ပြည်ဆိုင်ရာ လေဆိပ်သည် Terminal 1 ကိုဖွင့်လှစ်နိုင်ခဲ့ပြီး ကိုးလအကြာ ၂၀၁၆ ခုနှစ်၊ ဒီဇင်ဘာလတွင် ရန်ကုန် အပြည်ပြည်ဆိုင်ရာ လေဆိပ် ပြည်တွင်း ခရီးသည် အဆောက်အဦ Terminal 3 ကိုဖွင့်လှစ်နိုင်ခဲ့ပါသည်။ နှစ်စဉ်ခရီးသည် သန်း ၂၀ ကို ဝန်ဆောင်မှု ပေးနိုင်ရန် လေဆိပ်ကို ကမ္ဘာ့အဆင့်မှီ တည်ဆောက်ခဲ့ပြီး မြန်မာနိုင်ငံ တစ်ဝှမ်းလုံးသို့ ပို့ဆောင်ဆက်သွယ်ရေးလုပ်ငန်း၊ ခရီးသွားလုပ်ငန်း၊ ဆက်သွယ်ရေးနှင့် ကုန်စည်စီးဆင်း မှုတို့ကို အထောက်အကူ ပြုပေးပါသည်။ အသေးစိတ် သိရှိလိုပါက www.yangonairport.aero တွင်ဝင်ရောက် ကြည့်ရှုနိုင်ပါသည်။

အေးရှားဝေါလ် ဆိပ်ကမ်း

အေးရှားဝေါလ်၏ကုမ္ပဏီခွဲ တစ်ခုဖြစ်သည့် Asia World Port Management Co., Ltd . Limited, သည် မြန်မာနိုင်ငံ၏အတွင်ကျယ်ဆုံးဆိပ်ကမ်း တစ်ခုဖြစ်သည့် အေးရှားဝေါလ် ဆိပ်ကမ်းကို စီမံခန့်ခွဲ ဝန်ဆောင်မှု ပေးလျက်ရှိပါသည်။ ၂၀၁၄ - ၂၀၁၇ ခုနှစ်အတွင်း အေးရှားဝေါလ်ဆိပ်ကမ်းသည် ရန်ကုန်တစ်မြို့လုံးရှိ ကုန်သေတ္တာ ပမာဏ၏ ၄ဝ% ခန့်ကို စီမံခန့်ခွဲ ဝန်ဆောင်မှု ပေးနိုင်ခဲ့ပါသည်။ အေးရှားဝေါလ် ဆိပ်ကမ်းသည် ၁၉၉၇ ခုနှစ်ကတည်းက ဆိပ်ကမ်း ဝန်ဆောင်မှု လုပ်ငန်းကို စတင်ဆောင်ရွက်ခဲ့သည့် ပထမဆုံးသော ပုဂ္ဂလိက ဆိပ်ကမ်းဖြစ်ပါသည်။ ရန်ကုန်မြစ် အပေါ်ပိုင်းတွင် မဟာဗျူဟာမြောက်စွာ တည်ရှိနေသော အေးရှားဝေါလ် ဆိပ်ကမ်းသည် ရန်ကုန်မြို့ရှိ စက်မှုလုပ်ငန်းများ နှင့်စီးပွားရေး လုပ်ငန်းများ အချက်အချာကျ သောနေရာတွင် တည်ရှိနေပြီး မြန်မာနိုင်ငံ၏ ကုန်စည်စီးဆင်းမှုကို တစ်ဖက်တစ်လမ်းမှ အထောက်အကူ ပြုလျက်ရှိပါသည်။ အေးရှားဝေါလ် ဆိပ်ကမ်းတွင် harbor cranes၊ handlers၊ stackers၊ breakbulk၊ container၊ dry and liquid bulk operations အစရှိသည့် ဆိပ်ကမ်း ဝန်ဆောင်မှု ဆိုင်ရာယန္တရား များဖြင့် အကောင်းမွန်ဆုံး နိုင်ငံတကာ အဆင့်မီ ဝန်ဆောင်မှုများ ပေးစွမ်းနေပြီး ဆက်လက်၍လည်း ကြိုးပမ်းဆောင်ရွက်လျက် ရှိပါသည်။ အေးရှားဝေါလ် ဆိပ်ကမ်းသည် အရည်အသွေး ပြည့်ဝသည့် ဝန်ဆောင်မှု ပေးစွမ်းနိုင်သော နိုင်ငံတကာအဆင့်မီ ဆိပ်ကမ်း တစ်ခု ဖြစ်ပါသည်။

သောက်ရေခပ် (၂) ရေအား လျှပ်စစ်စီမံကိန်း

အေးရှားဝေါလ် ကုမ္ပဏီ၏ ကုမ္ပဏီခွဲတစ်ခု ဖြစ်သည့် ရွှေစွမ်းအင် ကုမ္ပဏီလီမိတက်သည် သောက်ရေခပ် (၂) ရေအားလျှပ်စစ် စီမံကိန်းကို ၂၀၀၉ ခုနှစ် နှစ်ကုန်ပိုင်းတွင် စတင်ဆောင်ရွက် ခဲ့ပြီး ၂၀၁၂ ခုနှစ်တွင် ပြီးစီးခဲ့ကာပြီး၂၀၁၃ ခုနှစ်တွင် လုပ်ငန်းအပ်နှံ ခြင်းခံရသည်။ အေးရှားဝေါလ် ကုမ္ပဏီသည် တစ်ဆင့်ခံ ကန်ထရိုက်တာ အနေဖြင့် လုပ်ဆောင်ခဲ့သည့် ဆောက်လုပ်ရေး အတွေ့အကြုံများ အပေါ်အခြေခံ၍ သောက်ရေခပ် (၂) ရေအားလျှပ်စစ်စက်ရုံနှင့် ရေအားလျှပ်စစ် ဆိုင်ရာအခြေခံ အဆောက်အအုံများကို မြန်မာနိုင်ငံ၏ စတုတ္ထမြောက် အကြီးဆုံး ရေအားလျှပ်စစ် စက်ရုံ တည်ဆောက်ရေး စိန်ခေါ်မှုတစ်ရပ် အနေဖြင့် ဆောက်လုပ်ခဲ့ပါသည်။ ထိုရေအားလျှပ်စစ် ဓာတ်အားပေးစက်ရုံသည် ပုဂ္ဂလိက ကုမ္ပဏီပိုင် အကြီးဆုံး ဓာတ်အားပေး စက်ရုံဖြစ်သည်။

နိုင်ငံတော်၏ စွမ်းအင်စီမံကိန်း ကိုပံ့ပိုးကူညီပေးကာ အိမ်ခြေစုစုပေါင်း သုံးပုံတစ်ပုံခန့်ကို နေရှင်နယ် ဂရိတ်ဖြင့် လျှပ်စစ်မီးရရှိစေပြီး သောက်ရေခပ် (၂) ရေအား လျှပ်စစ်စီမံကိန်းသည် ယခင်က လျှပ်စစ်မီးမရရှိခဲ့သော ကျေးလက်ဒေသများ၊ စီးပွားရေးလုပ်ငန်းနှင့် အိမ်ထောင်စုများ အတွက် လျှပ်စစ်ဓာတ်အား ထုတ်လုပ်ပေးနေပါသည်။ ရလဒ်အနေဖြင့် မြန်မာနိုင်ငံ၏ လျှပ်စစ်ဓာတ်အား ပေးပို့မှုသည် လေးရာခိုင်နှုန်းမှ ငါးရာခိုင်နှုန်းသို့တိုးတက်လာခဲ့ ပြီးအရေးပါ၍ ကောင်းမွန်သော လူမှုဆိုင်ရာ အကျိုးသက်ရောက် မှုကိုဖန်တီး နိုင်ခဲ့သည်။

စီမံကိန်း ကာလအတွင်း ပတ်ဝန်းကျင်နှင့် လူမှုရေး အကျိုးသက်ရောက်မှု ကိုအကဲဖြတ်ခြင်း (EIA နှင့် SIA) စသည့်တို့ကို ဦးဆောင်၍ သုတေသန ပြုလုပ်ခဲ့သည်။ ကုမ္ပဏီအနေဖြင့် ပြန်လည်နေရာ ချထားပေးခြင်း၊ လမ်းနှင့် ကျောင်းစသည့် ကျေးလက်ဒေသ ဖွံဖြိုးရေး လုပ်ငန်းများကိုလုပ်ဆောင်ခဲ့သည်။ ထို့အပြင် ဒေသတွင်း အလုပ်အကိုင် အခွင့်အလမ်းများကို ဖန်တီးပေး နိုင်ခဲ့ပြီး ထိုဒေသရှိ ဒေသခံလူထု များ၏လူနေမှု အဆင့်အတန်းကို တိုးတက်စေခဲ့သည်။ ဤစီမံကိန်းတွင် ထူးကဲကောင်းမွန်သော အင်ဂျင်နီယာ ပညာရပ်ပိုင်းဆိုင်ရာ နှင့်ပတ်ဝန်းကျင် လူအသိုင်းအဝိုင်းဆိုင်ရာ အောင်မြင်မှု များအားဖြင့် အေးရှားဝေါလ် ကုမ္ပဏီလီမိတက်သည် ၂၀၁၄ ခုနှစ်တွင် အာဆီယံနိုင်ငံ ဆိုင်ရာ အင်ဂျင်နီယာ ပညာရပ် ပိုင်းဆိုင်ရာ ထူးချွန်ဆု (ASEAN Outstanding Engineering Achievement Award) ကိုရရှိခဲ့ပါသည်။

ပိုမိုသိရှိလိုပါက www.goldenergymyanmar.com သို့ဝင်ရောက် ကြည့်ရှုနိုင်ပါသည်။

လှည်းတန်းစင်တာ စီမံကိန်း

၂၀၁၄ ခုနှစ်တွင် တည်ဆောက် ပြီးစီးခဲ့ပြီး ၂၀၁၅ ခုနှစ်တွင် စတင်ဖွင့်လှစ်ခဲ့ သော လှည်းတန်း စင်တာသည် ရန်ကုန်မြို့ရှိ ခေတ်အမီဆုံး shopping centre များထဲမှ တစ်ခုအပါအဝင် ဖြစ်ပါသည်။ လှည်းတန်းစင်တာသည် retail ဆိုင်များ အတွက် အထပ် လေးထပ်၊ လူနေတိုက်ခန်းများ အတွက် အထပ် နှစ်ထပ်၊ ရုံးခန်းများ အတွက် အထပ် သုံးထပ်တို့ဖြင့် ဖွဲ့စည်း တည်ဆောက် ထားပါသည်။ လှည်းတန်းစင်တာတွင် Samsung၊ စင်္ကာပူနိုင်ငံမှ Yakun Kaya Toast အစရှိ သော လူသိများသည့် အမှတ်တံဆိပ်များ ဖွင့်လှစ်ရောင်းချ လျက်ရှိပါသည်။ လှည်းတန်းစင်တာသည် ပွဲများကျင်းပရန်အတွက်လည်း အလွန် သင့်တော်သော နေရာတစ်ခု ဖြစ်ပါသည်။ လှည်းတန်းစင်တာတွင် နိုင်ငံတကာ ကုမ္ပဏီများမှ လည်း ရုံးခန်းများ လာရောက်ဖွင့်လှစ်ထားပါသည်။