YACL initiated CSR activities together with its 3rd Anniversary Celebration

ရန်ကုန်အပြည်ပြည်ဆိုင်ရာလေဆိပ်အား YACL မှ လွှဲပြောင်းတာဝန်ယူကာ ဝန်ဆောင်မှုပေးခဲ့သည့် (၃) နှစ်ပြည့်အထိမ်းအမှတ်အနေဖြင့် ရန်ကုန်အပြည်ပြည်ဆိုင်ရာလေဆိပ်အနီး ပတ်ဝန်းကျင်ရှိ ဒေသခံများ၏ လိုအပ်ချက်များအနက်မှ ပညာရေး နှင့် ကျန်းမာရေးထောက်ပံ့မှုများ ဆောင်ရွက်ပေးနိုင်ရန် ရန်ကုန်အပြည်ပြည်ဆိုင်ရာလေဆိပ်အနီးပတ်ဝန်းကျင်ရှိ စာသင်ကျောင်းများ နှင့် ဒေသခံများထံသို့ သွားရောက်၍ ကွင်းဆင်းလေ့လာခဲ့ပါသည်။

ထိုသို့ သွားရောက်လေ့လာခဲ့မှုများအပေါ် အခြေခံ၍ ၂၀၁၈ ခုနှစ်၊ အောက်တိုဘာလ ၂ ရက် နှင့် ၃ ရက်နေ့များတွင် Yangon Aerodrome Company Limited ၏ လူထုအကျိုးပြု ပရဟိတလုပ်ငန်းများဆောင်ရွက်မှု ပထမဆုံးခြေလှမ်းအဖြစ် ရန်ကုန်အပြည်ပြည်ဆိုင်ရာလေဆိပ်ပတ်ဝန်းကျင်ရှိ ကျောင်းများမှ ပညာရေးအထောက်အပံ့လိုအပ်နေသော ကလေးငယ် တစ်ထောင်ကျော်အတွက် ပညာရေးထောက်ပံ့ကြေးနှင့် ကျောင်းသုံးစာရေး ကိရိယာများကို သွားရောက်လှူဒါန်းခဲ့ပါသည်။

ဤကဲ့သို့ YACL ၏ လူထုအကျိုးပြုပရဟိတလုပ်ငန်းများကို အေးရှားဝေါလ်ဖောင်ဒေးရှင်းမှ ဆောင်ရွက်လျက်ရှိသော လူထုအကျိုးပြုပရဟိတလုပ်ငန်းများ၏ တစ်စိတ်တစ်ပိုင်းအနေဖြင့် ဆက်လက်ဆောင်ရွက်သွားမည်ဖြစ်ပါ သည်။

မြန်မာနိုင်ငံ၏ ပိုမိုကောင်းမွန်သော အနာဂတ်ကို ဖော်ဆောင်ရာတွင် အရေးပါဆုံးဖြစ်သည့် မြန်မာနိုင်ငံသူ နိုင်ငံသားများအား စွမ်းဆောင်ရည်မြှင့်တင်ပေးရာတွင် ပညာရေးသည် အခြေခံအုတ်မြစ်ဖြစ်သည်ဟု YACL အနေဖြင့် ယုံကြည်ပါသည်။

 

YACL 3rd Anni CSR 01

YACL 3rd Anni CSR 02

YACL 3rd Anni CSR 03

YACL 3rd Anni CSR 04

YACL 3rd Anni CSR 05

YACL 3rd Anni CSR 06

YACL 3rd Anni CSR 07

YACL 3rd Anni CSR 08

YACL 3rd Anni CSR 09

YACL 3rd Anni CSR 10